Tocyn wedi’i ariannu’n llawn ar gael ar gyfer sefydliadau sector cyhoeddus, trydydd sector ac elusennol

Mae Metro De Cymru yn creu rhwydwaith trafnidiaeth cyflymach, gwyrddach a mwy cysylltiedig sy'n cysylltu cymunedau ar draws y rhanbarth am y tro cyntaf erioed. Bydd y digwyddiad hwn yn archwilio sut mae trawsnewid amseroedd teithio a chyflwyno cyfleoedd economaidd a chymdeithasol newydd yn gosod y sylfaen ar gyfer De Cymru mwy llewyrchus a chynaliadwy.

Yn dilyn llwyddiant digwyddiad “Y Metro a Ni” 2018, mae grŵp o randdeiliaid yn lansio arddangosfa a chynhadledd ranbarthol newydd ar drafnidiaeth, seilwaith, adfywio a datblygu economaidd.

Cynhelir Y Metro a Ni yn The DEPOT yng Nghaerdydd, ddydd Iau 4 Mehefin 2026. Ei bwrpas yw tynnu sylw at fanteision uniongyrchol y blynyddoedd o fuddsoddi ym Metro De Cymru a thrafod beth sydd ei angen o hyd, os ydym am gynyddu ei effaith a gwireddu ei weledigaeth ehangach.

Bydd y gynhadledd yn rhoi sylw i bynciau megis:-

• Cysylltedd trafnidiaeth gyhoeddus, dibyniaeth ar geir a theithio llesol
• Mewnfuddsoddi, twf economaidd ac adfywio
• Goblygiadau ar gyfer tai, busnes a’r stryd fawr leol
• Symudedd cymdeithasol - mynediad at swyddi, addysg a hyfforddiant, hamdden a'r celfyddydau
• Partneriaethau'r sector Cyhoeddus-Preifat a chyllid ar gyfer y dyfodol

Mae'r digwyddiad wedi'i anelu at unrhyw un sydd â diddordeb mewn seilwaith trafnidiaeth gyhoeddus a sut y gall fod o fudd i ddatblygu economaidd, adfywio, cynhwysiant cymunedol, symudedd cymdeithasol, twristiaeth a lles.

Mae cyfleoedd noddi ac arddangos cyfyngedig ar gael i fudiadau sy'n gweithio yn y sectorau uchod.

I gael rhagor o wybodaeth, neu os oes gennych chi ddiddordeb mewn siarad yn Y Metro a Ni, anfonwch e-bost at dîm y digwyddiad yn MetroandUs@freshwater.co.uk